شیعر و سیمبۆلەکانی ئایینی و باو
نووسینی:سلیمان قاسمیانی
ههرچهنده گوناهی دهمهکهت باره له سهر لێو
حهددی چییه “نالی” که بڵێ ماچه کهفارهت
(دیوانی نالی، ل ۱٣)
بێ سوننهتی تهقبیلی دهمت عاطله رۆژم
بێ حضرهتی محرابی برۆت باطله نوێژم
(دیوانی نالی، ل ٢۷)
شیعری: عارف كورده
ئایاره..
سهربهرز بۆ ئاسمان دهڕوانین
زهمهنی سهرمایه دهوهستێ و
دووكهڵی كانهكان؛
لهم ڕۆژه ڕادهگرین.
ئایاره.. لافاوین. شهپۆلین. قهڵبهزهین.
بهرچنهی پڕ له گوڵ؛
به پهنجهی ههموومان ریز دهكهین
پێچ پێچهی برسێتی و
نههاتی پهیدهكهین.
ئایاره..
یهكدهستین. یهكدهنگین
كانییاوین لێوان لێو پڕ ڕقین
له دڵی كێوێكدا دهتهقین
به بڕوای یهكسانی و
بههاری ئازادی پڕ چهكین.
ئایاره..
بۆرژوا گوێ گره!
لێره بێ یان لهوێ
كۆتهرهی شیكاگۆین
( ئاگرین؛ شۆرشین شۆرشی كڵپهسێن )
له ڕووی تۆ ناكوژێن
ژیلهمۆین؛ پهنگرین.
ئایاری ١٩٩١
کوردستان
وەک هەمووان دەزانن ماوەیەکە حکومەتی فاشیستی ئاکپارتی لە تورکیا، دەستی داوەتە هێرشێکی هەمەلایەنە لە دژی بەرهەڵستاکارانی سیاسیی خۆی و هەرچی لە دەستی هاتبێ لە پێناو سەرکوتی سیاسیی و بەرتەنگکردنەوەی مەیدانی ئازادی هەڵسووران، کردوویەتی. ئاکپارتی سیناریۆی کودەتای سەربازی کردە بیانوویەک تا ئەم کارە قێزەوەنانەی خۆی ئەنجام بدات. لەم نێوەشدا مارکسیستە شۆڕشگێڕەکان و چەپەکان گورزێکی تووندیان بەرکەوت. تایبەتتر لەمەش هێرشی کۆنەپەرستانەی ئاکپارتییە بۆ سەر نووسەران و هونەرمەندانی ناڕازی و ڕادیکاڵ و مارکسیست. لەم نێوەشدا تیپی هونەریی گروپی یۆروم وەک تیپێکی هونەریی شۆڕشگێڕ و مارکسیست سەرباری هێرش بۆ سەر بنکەکەیان، یانزە هونەرمەندیشیان زیندانی کراون.
ئێمە بە تووندی ئەم هێرشە بەربەرییەی حکومەتی کۆنەپەرستی ئاکپارتی سەرکۆنە دەکەین و سەرباری قەرەبووکردنەوەی ماددی و مەعنەویان، داوای دەست بە جێی ئازادکردنی تەواوی زیندانیانی سیاسیی و بە تایبەتیش داوای ئازادکردنی نووسەران و هونەرمەندانی شۆڕشگێڕ و مارکسیستی گروپی یۆروم دەکەین.
ڕیسوا بێت حکومەتی فاشیستی ئاکپارتی.
بژی هونەر و ئەدەبی ڕادیکاڵ و شۆڕشگێڕ.
دەستەی نووسەرانی گۆڤاری هانا
کۆتایی مانگی تشرینی دووەمی ٢٠١٦
ئەگەر بێت و ئێمە نەبین!
دەنگ: سیروان قادری
شیعر: سلیمان قاسمیانی
ئەگەر بێت و ئێمە نەبین!
شیعر: سلیمان قاسمیانی
ئێمە نەبین نە دارێ دەچێتە سەر بەرد
نە نانێک دەچێتە تەنوور
نە ئاو دەگاتە بەرماڵێک
نە شەقام پڕ دەبێ لە نوور
بانگ
شیعری: عەبدوڵا سولەیمان – مەشخەڵ
بیابانى سەوزایى
شیعری: بورهان ئەحمەد
بەبێ تۆ،
ئاسمان دەکوژێتەوە،
گەردوون،
بۆشاییەکى مەزنى تێدەکەوێ
